NAME LACE AYE DELIL BI

Waxto ke bi nêzdiyê lacê xo,vengê cıgera xo nêheşêna.Baya êy his nêkerde.Heskerdene u qesê ke wastê vaco,qırtıka aye de, zê letê de gule bi gıre.
Şiya ra bi zozanê bınê barê xoverdayena koyanê ke niyamêne dêm diyene.Heni tibar dayene u zelal.
Kewte qabinê juyine. Lacê xo veciya bi rêbitiya vêşaniya merdene, astêra beleka ke astêrakan fet keno, aye ra gêrêne.
Lacê xo nêdi qabin de.Namê lacê xo, dı temsilkaran ra pesr kerde.Hewca ki nê bi.
Çı ke her kesi lacê xo nas kerdêne.Ebe kolonyalistan se ke leqi kerdêne, bı kurmanci, ê makumanê binan, ju bı ju pers kerde.Pêro lacek u kênekê aye bi.Asimilasyon her hêl de nêşıkiyêne nêzdiye na maya Barane bo.Cesaretê inan şıkiyêne.Ebe kurmanciyê xo wo ke bı omıd pır bi, iyê ke qabinan de bi,lacê xo pers kerde.Qabine de ju tırk ju ki kurd makum esti bi.Her dıdı ki nêbi cuwabê na maye.A ca de ju keso ke namê MemedAli bi u zonê xo vira nêkerd bi,venga êy da bi.Memed Ali ame lêwe na namye;
-Tı senêna lacê mı?
-Ma rındime dayê
Ebe Memed Ali derga derg kewti qesan. Biyeran u roje ra qesi kerdêne.
Barane lacê xo Delili ra pers kerde.
-Delil hina qey niyame?
-'Ma Delili anime dayê' va temsilkarê qabini.Na ca duriyo,ebe sandali ardene, cendekê êy qefelneno.
Bêvengiyê de xoriye, zê şelavê deryayi , gına bi dêsan ra, a ca de suziya, pê têlan de ame u gına bi a mêydan.
-Eger ke Delilê mı biyo şehid, mı ra vacê,ez meyitê Delilê xo mınasibê ê nami wazena oxur bıkeri
Maye Memde Ali ra niya va..
-Vanê ewro ju keso bin biyo şehid, rast o? Eke o Delilê mıno, vace mı ra ez damış bena.Ferqa Delilê mın u ê binan çina.Seba mı pêro ki lacek u kênekê mın ê.
Zılım ejderha bı bo ki, maya Barane, agidiye suziyêne.Pêro zindani kılaman vatêne.Azmên çicegan dotêne, gulsosıni, zozani, guli goşdariya aye kerdêne.
-'Delil na sate rındo dayê' va Memed Ali.
No vate, ebe omıd u xoverdene ra pır bi.Kemerê qabini, têlê demırıni, kewero demırın çeqiyêne.
Bı saatan ebe zonê xoyê qedexın qesi kerdi.Zê dı dılope çıman ke jumıni ra rındiye antêne, kewtêne derya.
-Dayê satêna ma to gênime cayê diyene
Vengi bırıya..
Maye ardi zere.Hama Delili ardene bê imkan bi. Zaf bi bi zayif, imkanê vênıtene u qesi kerdena xo zaf bi bi şenık.Sewda u omıdê xo,êy pay ra gırotêne .Çı beno wa bı bo, dışmeni ra inad, ju roje zêde wastêne bıcıviyo, no prensibê êy bi.
Dıme ra ke peodusur bi tamam,şiyi qowuşê makumê ke kewti bi vêşaniya merdene.
Dayika Barane, kewte zere, se ke kewte bi zerê kê xo.Delil ki na ca de bi.Bala maye çiyê nê ante.Domani a ca çarna bi baxçê çiçegan.
Delil, verê xoverdayene, ranza cori de rakewtêne.Xoverdayene ke dest da pıro, seba ke rehet manevra bıkero, ame ranza cêri.Dayika barane kewte qoxuş,raste rast nê rest lêwê lacekê xo.Veren de,gırotokê ke wêşaniya merdene de biyi,ebe zonê xo ju bı ju sılam kerde.Çımanê pêrune paçi kerde.Dıme ra çımê xo verba ranza cori vırdiya ra.
'Xebera to esta desa kemerıne
Kewro demırın,
pencero kor
Xebera to esta
Mêynamê mı pıyazo kesk ruşno
Cıxarê mı de baya qerenfili'
Ranzanê cori tıp u tal bi.Ranzanê bıni de,vist u çar boriyê hucumi,çaran de çiçegê newrozê suri gırêdaye,vist u çar eriskarê fedekari kewtêne ra.Zılmê ejderhayi ra inad, bê xoverdene ra inad, zê bıhare huyêne dayika Barane ra.Merdene tersa, waxto ke serbestiye diye.Seba wêşaniya merdene, zanyariye dêne na xanıma ke lêwê inan de biye.Memee Ali cuwab kerdêne.
Dayika barane,zê ju dılopa şıliye,verba razna ke lacê xo a ca de bi,biye nêzdi.Gırotê ke a ca de bi,xo da kışte,raye dayi cı.Heycan,ebe jumıni vırar kerdene dest da pıro.Demo ke Delili arde bi dınya, hata nıka dolıma verêna ke,êr bı huzur diye.Çı bi a waxt?Çı amêne vatene, kesi nêzanıtê.her kes şahidê bêvengiye bi a roje, bına a ranza de.Çımê keweyê Baran dayike, heni bı tik, o dem neqışnêne iyê a ca ra.Têkê de başaqe tenya nênamena.Bı esıran i kewti bıne, i kewti ser.Hama nıka,iyê ke bı esıran kewti bi bıne, nıka bı zonê de serkewtene ra bi bi kilıd,qesi kerdêne.
Maye u lacek, bı saatan vırare ardi b jumıni ra.Bı saatan jumıni baye kerdi.Zonê inan de,vateyi rışiyêne bı dans kerdene de, şewqê Karêri da ruyê maye u laceki ra. Huyayena domantiye suziyêne bı zonê xoyê kurmanci de.U alınci, kulmê roştiya ke şewe fistê ta bi.
Bı mırdiya xo Delili paçi kerde.Na dayika kurda ke cer ra hata cor bı duruşmê zanayê ke bi bi sıpê,cendekê lacê xo ra haliye.
Maye u laceko ke resmê xoverdayene ka vırare ardi bi jumıni ra, keso ke kurmanci nêzanıtêne, tarıqe ra not gırotêne.
Dayika barane veng kerde lacekê xo ra; 'Delil, na ca cayê agidan o, kam ke agido wa bêro mêydan.Lacekê mı eeb agidan piya ro.na raye de kewtene onır o' va Delili ra.
Dıme ra 'Çiyo ke tı mı ra vana nasihatê to wo' va dayika barane dolıme pêyêne.
Delili Va 'Nê dayê'
Dayika Barane;
-Na ca de tenya ju lacekê mı çino,şıma pêro domanê mın ê,şıma pêro emrê mayê
Ame lêwê Yaşar Kemali,sare ra bi nêzdi, lêwê maye de laceki ra va ke va ke 'heval Delil, tayêna xo verde'.

Berdan İldan

Ocak 2008

Çeviri: İllhami Sertkaya